|
"آهى جت "
اهى جت لحد عندك
اهى جت لوحدها
ماتتماداش في عندك
يا قلبي روح لها
روح لها قولها إننا في الهوا دوبنا
وعرفنا قدرنا
قدرنا ومكتوبنا
روح لها قولها إيه اخرة العناد
مشكلة حلها إنها تديني معاد
روح لها قولها
هات منها الرد قوام
دى عينيها سوده
عينيها سوده وخمرية
ضحكتها مش ضحكة عادية
مش ضحكة عادية
بتجيبني من آخر الدنيا
من آخر الدنيا
روح لها قولها إيه اخرة العناد
مشكلة حلها إنها تديني معاد
روح لها قولها
هات منها الرد قوام
حبيتها بريئة جريئة ضعيفة وقوية
حبتها كده زي ما هي
كده زي ما هي
وبأموت لو صادفت جت بصت
لعينيا بنظرة حنية
نظرة حنية
روح لها قولها
إيه اخرة العناد
مشكلة حلها إنها تديني معاد
روح لها قولها
---------------------------------------------
"قالت لي خلاص"
قالت لي خلاص طريق مشيناه
وخلصناه ياريت نرجع
وسابت لي دموع العين
وقلب حزين بيتوجع
وخلتني أخاف من الناس
ومن الأيام و م الإحساس
وترجع ليه وتضحك لي
كأن دموع عيوني رخاص
كل ده وقلبي الحنين
لم يبين أي شئ
وافتكر اللي حصل لي منها
ألقى الكون يضيق
وعينيا تغرق في الدموع
من لهفة قلبي المخدوع
كل ما يا خده الشوق ويروح
يلقى ما فيش وياها رجوع
قالت لي خلاص طريق مشيناه
وخلصناه ياريت نرجع
وسابت لي دموع العين
وقلب حزين بيتوجع
بخداعها مدت لي الأيد
خلتني احلم بالعيد
وفى عز الحلم اللي حلمته
صحتني على جرح جديد
قالت لي خلاص طريق مشيناه
وخلصناه ياريت نرجع
وسابت لي دموع العين
وقلب حزين بيتوجع
وخلتني أخاف من الناس
ومن الأيام و م الإحساس
وترجع لي وتضحك لي
كأن دموع عيوني رخاص
---------------------------------------------
"بعهم يشتروك"
بعهم يشتروك
دول ياما باعوك
اوعى يحن قلبك
مهما يودعوك
لا يهمك عذابهم
ولا تعمل حسابهم
خد بالك يا غالي
اوعى يرخصوك
بيعهم يشتروك
دول ياما باعوك
ورتهم جنتك
وقلوبهم سمعتك
بتقول الاه في نارهم
ضحكوا على دمعتك
ماتخافش م الليالي
خليك يا غالي عالي
اوعى ينزلوك
بيعهم يشتروك
دول ياما باعوك
كان قلبك همهم
أتحقق حلمهم
أول ما لقوك في أيديهم
مابقتش تهمهم
لو نفسك تشتريهم
بعهم وأنت تلاقيهم
بالدمع اشتروك
بيعهم يشتروك
دول ياما باعوك
---------------------------------------------
"أصعب حب"
اصعب حب
لما تلاقي اللي انته تحبه
ما بيحبكش
ولا تحس
مهما عيونك تنطق
قلبه ما بيحسكش
تبدأ تضعف
يمكن يعطف
تبدأ توهب
يبدأ يخطف
فجأه تحس
إن اللي إنت وقعت في حبه
وقعت في حبه
مايستاهلكش
أقوى عذاب
كل ما تيجي تقوله بحبك
يسكت قلبك ما يقولهاش
قول انك عايش وحدك
متغرب جوه حكاية
تايه مجروح مش عارف
خايف من أي نهاية
تبدأ تضعف
يمكن يعطف
تبدأ توهب
يبدأ يخطف
فجأه تحس
إن اللي إنت وقعت في حبه
وقعت في حبه
مايستاهلكش
|
"ولا دمعة"
والله ولا دمعه
باعني وظلمني هاظلمه
خاني وألمني هألمه
برج الهوى اللي بنيته أنا
بايديا لازم هأهدمه
لو قلبي دمع هأخسره
لو جرحي سمع هأكسره
هاعتبره وردة زرعتها
دبلت أوراقها اترموا
والله ولا دمعة
هو اللي قاد النار
هو اللي قلبه اختار
خليك يا قلبي شديد
نور شموعنا وقيد
إيه يعني لو في الأيد
هتنطفي شمعة
والله ولا دمعة
أنا كنت روحه ودنيته
وداويت جروحه ودمعته
كان قلبي بيته وداره
كانت عينيا سكتة
الفرح كنا بنرسمه
والحلم بينا بنقسمه
معرفش قلبه ازاى قوي
وازاى عيونه قسته
والله ولا دمعة
---------------------------------------------
"اللي في قلبي"
مابقاش حبك يرضي غروري
مابقاش بالنسبة لي ضروري
ما بقاش حلم حياتي أعيش لك
وأنا مش عارف ايه ذنبى
ما تخلى اللي في قلبي في قلبي
ما تخلي اللي في قلبك ليك
واسكت ما تقولش وخبي
وابعد الله يخليك
انا جوايا اللي مكفيني
وبيرضيني ومخليني ما اتكلمش
واتحملت كتير على عيني
ظلم سنيني وأنا مش قادر ما اتحملش
يعني ماتجرحنيش من تاني
واسكت خالص ما تكملش
لا عندي وقت لأي عتاب
ولا مستعد أقول أسباب
بعد اللى اتحملته معاك
ما بقتش اقدر أفكر فيك
ما تخلى اللي في قلبي في قلبي
ما تخلي اللي في قلبك ليك
واسكت ما تقولش وخبي
وابعد الله يخليك
انا مش قادر أعيد بصراحة
أي كلام كان لينا زمان
انا مع أنى كتير محتاجلك
باحتاج اكتر أعيش في أمان
سيبك مني ابعد عني
ما تفكرش في أي مكان
يجمعنا سوا
بعد اللى اتحملته معاك
ما بقتش اقدر أفكر فيك
انا دلوقتي ما ظنش هارجع
بعد اللي انا ضيعته معاك
ما أنا ما أضمنش ترجع تخدع
ما احنا محدش فينا ملاك
سيبك مني وابعد عني
ما تفكرش في أى مكان
يجمعنا سوا
انا جوايا اللي مكفيني
وبيرضيني ومخليني مااتكلمش
واتحملت كتير على عيني
ظلم سنيني وأنا مش قادر مااتحملش
يعني ماتجرحنيش من تاني في حناني
واسكت خالص ما تكملش
لا عندي وقت لأي عتاب
ولا مستعد أقول أسباب
بعد اللى اتحملته معاك
ما بقتش اقدر أفكر فيك
---------------------------------------------
"في ناس"
في ناس
في ناس بتحب تأخذ كل حاجة
مع إنها مش محتاجة
وناس بترضى بأي حاجة
في عز ما هي محتاجة
وناس تدى وتنسى
وناس تاخد وتنسى
وناس تدي وتندم
وياريتها بتدي حاجة
في ناس وناس وناس
ويلي يا ويلي آه ويلي ويلا ويلي
ياللي بتقولوا الزمن ده خد وهات
انتوا خليتوا الزمن ده كله هات
اللي عايز حاجة منك
بتلاقيه إنسان ملاك
واما يأخد دم قلبك
بتلاقيه بركان هلاك
وناس تدى وتنسى
وناس تاخد وتنسى
وناس تدي وتندم
وياريتها بتدي حاجة
في ناس وناس وناس
في ناس بتحب تأخذ كل حاجة
مع إنها مش محتاجة
وناس بترضى بأي حاجة
في عز ما هي محتاجة
---------------------------------------------
"حقيقة واحدة"
مش كل حلم بنحلمه
لازم في يوم هنحققه
مش كل قلب بنفهمه
مش أي حب نصدقه
مش كل سكة هنمشي فيها
النجوم هتبان لنا
مش اي صاحب نسأله
السكة فين هيدلنا
ممكن نعيش وحدنا
ممكن نموت وحدنا
يعني مفيش في الدنيا
إلا حقيقة واحده
ربنـــــــــــا
|
"نص الكلام"
نص الكلام انا قلته
والباقي ماقلتوش
وكلام الكدب قلبي
طول عمره مايعرفوش
لا جرحت قلب غيري
ولا بعت في يوم ضميري
علشان أوصلكم
طول عمري والصدق فيا
واحلف على كده بعينيا
من يوم ما عرفتكم
مش أي حد يقول لكم عليا كلمة
تصدقوه وتكدبوني
لا أنا م النهاردة عرفتكم
ولا انتو لسه هتعرفوني
ولأمتي أنا هأشتريكم
واقرب قلبي ليكم
وألاقيكم بتبيعوني
لاجرحت قلب غيري
ولا بعت في يوم ضميري
علشان أوصلكم
طول عمري الصدق فيا
واحلف على كده بعينيا
من يوم ما عرفتكم
من يوم ما عرفتكم
---------------------------------------------
"مابيسألش"
مابيسألش علي أبدا
ولا بتشوفه عينيا أبدا
ياما ناديته واترجيته
انه يرق شوية أبدا
أول ما عنيه بصولي
فتنولي عليه وقالولي
ازاى بعد ما فرحني
بيفرح فيا عزولي
لا اقدر على بعده أبدا
ولا احبش بعده أبدا
ياما ناديته واترجيته
انه يرق شويه أبدا
كان بينا كلام وحديت
وغرام ولا في الحواديت
يتحرم قلبه عليا
وأنساه لو همي نسيت
عمري ما حيرته أبدا
ولا احبش بعده أبدا
ياما ناديته واترجيته
انه يرق شويه أبدا
مابيسألش
ما بيسألش عليا أبدا
---------------------------------------------
"أول كلامي"
أول كلامي معاك
أنا قلت لك بهواك
ماصدقتنيش ليه
مافهمتنيش ليه
ليه تسيبني بأيدك اضيع
اشتري وأنا اللي تبيع
ده أنا كل دقة في قلبي
يا حبيبي
يا حبيبي فداك
تعالى نخطف م الزمن أيام جميلة
الفرح كله في عمرنا
لحظات قليلة
كام مرة أقولك قلبي
محتاجلك تعالى
أنا مش هاعيش غير وأنت جانبي
استحالة
كام مرة أقولك دنيتي
من قبلك إنت
من بعدك إنت
من غيرك إنت
ماتساويش
حبيبي حاسب ع الهوا
حاسب عليا
خايف ليهرب من ايديك ومن ايديا
مش عايزك تكتب بدري سطور النهاية
والوقت يعدي بسرعة وتجري الحكاية
أنا الف مرة حلفتلك
ولا قبلك إنت
ولا بعدك إنت
من غيرك إنت
أنا مش هاعيش
---------------------------------------------
"تعالي لي"
تعالى لي
تعالى لي لا تبعد بعيد
تعالى يا قاسي وعنيد
ليلي طال حالي حال بعدك أكيد
والله لا ده أنا
عايش وحيد
ويلا ويلا
عيني ما نامت ليلة
إحنا في عمرنا يا حبيبي أنا كم لحظة جميلة
ويلا ويلا عيني ما نامت ليلة
هنعيش أيامنا حبيبي قدامنا السكة طويلة
يا حبيب عمري وحياتي يا ماضيا يا ذكرياتي
يا دموعي يا ابتسامتي يا بدايتي يا نهايتي
ارجع وارحم آهاتي
تعالى لي لا تبعد بعي
د تعالى يا قاسي وعنيد
ليلي طال حالي حال
بعدك أكيد
والله لا ده أنا
عايش وحيد
--------------------------------------------- |
